mariepskop

Mariepskop (ook Marepe of Maripekop), op 1 947 m bo seespieël, is een van die hoogste pieke in die noordelike Drakensberge, en die hoogste punt van die Blyderiviercanyon. Dit is geleë op die aansluiting van drie bewaringsgebiede, naamlik die Mariepskop Bosreservaat, Mariepskop Staatsbos, en die Blyderivier Canyon Natuurreservaat.

Die berg word aan verskeie kante deur blote kranswande begrens, en is saamgestel uit Proterosoïese sedimentêre gesteentes van die Transvaalse Supergroep. Dit is vernoem na die 19de eeuse Pulana-hoofman, Maripe Mashile, wie se stam die berg as ‘n vesting gebruik het.

Sommige infrastruktuur en paaie is in die 1950’s gebou om ‘n militêre radarstasie te bedien. Mariepskop word omring deur Tshwateng (1 628 m) aan die oorkant van die Blyderivier, en deur Hebronberg (1 767 m) in die suide.